thilelli

Lherf-iw yedda f lfa

D ta s lexfida

S lmim i gehedja yisem-is....

Fell-as ul-iw yetsfafa

Rwigh tilufa

Hubagh a medden leghyab-is....

Siwa netsa-t i nufa

Tzad di ssifa

Aw its-iccan d asefl-is

        ___________________

Tedra sse3qa g iwen umkan

D w ay d awal yellan

Anda nniden akw d lekdeb....

Taqcict 3zizen lukan

S lqwerb ay ts-fkan

Attextir anda s ye3jeb.....

Yugh-its umcic udekkwan

Bu jehnid yerkan

Heznen-t lmalayka mi terkeb

    _______________________

Recdegh-k a lfahem heqqeq

Yes3eb lfieraq

D ddunit uqbel lmut....

Tuzyint ghef netsu3ewweq

S ddrafa tehdeq

Dehcegh m id-beggen iman-is.....

Wi ts-is3an Rebbi at-irzeq

Fihel ma isewweq

Di lerbah yezga umur-is

    _______________________

Ulac w illan d asiyyar

As yawi lexbar

As yefk lewdjab ufus-iw.....

Nemyussan asmi neqqar

Ma tecfa meqqar

Imiren tsadjart-iw......

Tura tsah-ed i w bu3emmar

Tusbight llecfar

Terna nnefs di lemhayen-iw

  ________________________

Lemnam agi d bu tlufa

Urgagh Yamina

Atsaya m wudem imserri....

Llebsa-ines d lfuda

Aggus d ssfifa

Taksumet-is d afilali(rouge).....

Ukigh-d ur ts-ufigh ara

Wtegh di tsummta

Rrigh-ts i lwe3d imetti

    ______________________

Tasedda ire3den tughwas

Tama n At 3ebbas

Mi s-nnan medden yerhel....

D em timmi te3kef am leqwas

Tamzurt ar ammes

Tibbucin-is d ifelfel......

Mlet-iyi anta id lhara-s

Ad rzugh fell-as

Ger miyya ad-iyi te3qel